काठमाडौँ । राष्ट्रिय सभा सदस्यको आसन्न निर्वाचन, सभाको बैठक बोलाउनेलगायत विषयमा राष्ट्रियसभा अध्यक्ष नारायणप्रसाद दाहालले प्रधानमन्त्री सुशीला कार्कीसँग छलफल गरेका छन् । सिंहदरबारस्थित प्रधानमन्त्री तथा मन्त्रिपरिषद्को कार्यालयमा भएको भेटमा दाहालले आगामी २० फागुनमा राष्ट्रिय सभाका एकतिहाइ सदस्यको सकिन लागेको पदावधिबारे जानकारी गराएका दाहालको सचिवालयले जानकारी दिएको छ । पदावधि सकिनुभन्दा ३५ दिनअघि नै निर्वाचन गर्नुपर्ने कानुनी प्रावधानबारे पनि प्रधानमन्त्री कार्कीलाई दाहालले जानकारी गराएका भेटपछि सञ्चारकर्मीलाई जानकारी दिए ।  भेटमा प्रधानमन्त्री कार्कीले संकटको समयमा सबै मिलेर देशलाई अघि बढाउनु पर्ने बताएकी थिइन् ।