नेपाली संगीत क्षेत्रमा फेरी थपिएको चोली तुनाले गीत हालै युट्युबमार्फत सार्वजनिक गरिएको छ। गीतमा सुमन बिटी र अञ्जुली हमालको स्वर रहेको छ, जसमा लोकप्रिय मोडल सचिन खड्का, रचना न्यौपाने, जेनिश सुनार र सञ्चिता बोलाखेको अभिनय देख्न सकिन्छ ।

विगत लामो समयदेखि नेपाली लभ गीत, सुगम संगीतमा आफ्नो अभिनय प्रस्तुत गर्दै आएका लोकप्रिय चक्लेटी मोडल सचिन खड्काले यो पटक चोली तुनाले गीतमा भने आफ्नो फरक प्रस्तुति दिएका छन्।

अभिनयात्मक गीतहरुमा उत्कृष्ट अभिनय गर्ने खड्काको नृत्यमा पनि उत्कृष्ट प्रस्तुति रहेको गीत चोली तुनालेको भिडियोमा माया मोह झल्किने गरि चित्रण गरिएको छ।

गीतको शब्द, संगीत संयोजन, छायांकन र सम्पादनले दर्शकहरूलाई भरपुर मनोरञ्जन प्राप्त गरेको छ। साथै, कलाकारहरूको अभिनयले गीतबाट दर्शकलाई मनोरञ्जन गराउन प्रभावकारी रूपमा प्रस्तुत गरेको छ।