१३ भदौ, काठमाडौं

लिग वानअन्तर्गत आज पेरिस सेन्ट जर्माइन (पिएसजी) र रेइम्स्बीच प्रतिस्पर्धा हुँदछ । नेपाली समयअनुसार यो खेल आइतबार मध्यराती १२ बजेर ३० मिनेट जाँदा सुरु हुनेछ ।

अर्जेन्टिनी सुपर स्टार लिओनल मेस्सीले  पीएसजी का लागि डेब्यु गर्ने सम्भावना छ । पीएसजीले लिग वानको चौथो खेल रेईम्ससँग खेल्दैछ ।

अहिलेसम्म मेसी बिना नै पीएसजीले शुरुवाती तीन खेलमा ट्रायस, स्ट्राटवर्ग र ब्रेस्टलाई पराजित गर्दै राम्रो शुरुवात गरेको छ ।यसअघि प्रशिक्षक माउरिसियो पोचेटिन्होले मेस्सीलाई यस खेलमार्फत डेब्यु गराउने संकेत गरेका थिए । तर मेस्सीले कति समय खेल्न पाउनेछन् र कुन पोजिसनबाट खेल्नेछन् भन्ने तय भइसकेको छैन ।

मेस्सीलाई दायाँ भागमा खेलाउने सम्भावना छ । नेमार बायाँ खेल्नेछन् । रियल मड्रिड जाने हल्ला चलेका मिलियन एमबाप्पेले बीचमा खेल्नेछन् ।

कोपा अमेरिकापछि लामो समय बिदामा बसेकाले सुरुवाती खेलमा ३० मिनेटमात्रै मैदानमा देखिनसक्छन् ।