एजेन्सी । लेबनानमा इजरायली आक्रमणमा ज्यान गुमाउनेको संख्या ४ सय ९२ पुगेको छ।

यो आक्रमण २० वर्ष यताको सबैभन्दा ठूलो भएको बताइएको छ । इजरायली सेनाको आक्रमण भएको क्षेत्रहरूबाट हजारौं परिवार विस्थापित भएका छन् ।

सन् २००६ यता हिजबुल्लाहले बनाएको सबै संरचना ध्वस्त गर्ने योजनासहित आक्रमण गरिएको जनाएको छ। यसैबिच हिजबुल्लाहले पनि उत्तरी इजरायललाई लक्षित गर्दै दुई सय रकेट प्रहार गरेको छ। सो रकेट प्रहारमा दुई जना घाइते भएका छन्।

अन्तर्राष्ट्रिय सञ्चार माध्यमका अनुसार मर्नेमध्ये ३५ बालक तथा ५८ महिला भएको जनाएको छ। विश्व शक्तिहरूले इजरायल र हिजबुल्लाहलाई पूर्ण युद्धको सङ्घारबाट पछि हट्न आग्रह गरेका छन् । पछिल्ला दिनमा हिंसाको केन्द्र गाजासँगको इजरायलको दक्षिणी मोर्चाबाट लेबनानसँगको उत्तरी सीमातर्फ तीव्ररूपमा सरेको छ ।

लेबनानको सीमामा रहेको गाजामा करिब एक वर्षपछि युद्ध भएपछि अहिले लेबनानमै आक्रमण सुरु भएको छ। यस आक्रमणमा मर्ने सयौं मध्ये धेरै जना हिजबुल्लाहका कमान्डर छन्। हिजबुल्लाहले आफूहरूले हमासको सहयोगका लागि लडी रहको तथा युद्ध विराम नभएसम्म यो कायम रहने जनाएको छ।