नयाँ दिल्ली । २०२२ मा आएको ब्लकबष्टर फिल्म कान्ताराको प्रिक्वेल हो कान्ताराः च्याप्टर १ । ऋषभ शेट्टी निर्देशित यो फिल्मले मात्र तीन दिनमा २०० करोड भारु भन्दा बढी कमाई गरिसकेको छ ।

फिल्मको ओपनिङ कलेक्सन ८८ करोड भारु थियो । दोस्रो दिनको कलेक्सन ६५ करोड भारु थियो भने तेस्रो दिन फिल्मको कमाई ८२ करोड भारु थियो ।

१६ करोड भारुमा बनेको कान्ताराले रेकर्ड ४५० करोड भारुको कीर्तिमानी कमाई गरेको थियो । केजीएफ२ को कुल कलेक्सन १ हजार २५० करोड भारु रहेको छ । कान्ताराः च्याप्टर १ ले यी फिल्मसँग प्रतिस्पर्धा गर्न सक्छ कि सक्दैन त्यो चाहिँ हेर्न बाँकी नै छ ।