काठमाडौं, ११ भदौ

सरकारले राजनीतिक दल विभाजनसम्बन्धी ल्याएको अध्यादेशलाई अब फिर्ता गर्ने तयारी गरेको छ ।

यसअघि संसदीय दल वा केन्द्रीय कमिटीमध्ये एकमा २० प्रतिशत पुगे दल विभाजन गर्न सकिने गरि सरकारले अध्यादेश ल्याएको थियो ।उक्त अध्यादेश अनुसार माधव नेपालले आफ्नो नेतृत्वमा नेकपा (एकीकृत समाजवादी) गठन गरेका छन् । महन्थ ठाकुरले पनि आफ्नो नेतृत्वमा लोकतान्त्रिक समाजवादी पार्टी दर्ता गराएका छन् ।

दुवै दललाई निर्वाचन आयोगले हिजोमात्रै दल दर्ताको प्रमाणपत्र दिएको छ । नेकपा (एकीकृत समाजवादी) पार्टीको दल दर्ता प्रमाणपत्र १६६ हो भने लोकतान्त्रिक समाजवादी पार्टीको १६७ हो ।

अध्यादेश फिर्ता सम्बन्धी थप गृहकार्य गर्न प्रधानमन्त्री देउवाले कानूनमन्त्री ज्ञानेन्द्र बहादुर कार्कीलाई निर्देशन दिईएको बुझिएको छ । दल विभाजनसम्बन्धी अध्यादेश निष्क्रिय बनाउने गरि गृहमन्त्री बालकृष्ण खाँण, कानूनमन्त्री ज्ञानेन्द्र बहादुर कार्की र महान्यायाधिवक्ता खम्मबहादुर खाती छलफलमा जुटेका छन् ।