विशेष अदालतले मेलम्ची खानेपानी आयाेजना ठेक्कामा भ्रष्टाचार भएकाे ठहर गरेकाे छ। दाेषी ठहर भएकाहरूलाई सजाय निर्धारणका लागि पेसीसमेत ताेकिएकाे छ।

शिवकुमार शर्मा, भोजविक्रम थापा, केदारप्रसाद अर्याल, बेगनाथ पौडेल, रामचन्द्र न्यौपाने, मणिभद्र न्यौपाने, सूर्यराज कँडेल, रामचन्द्र देवकोटा, घनश्याम भट्टराई, चन्द्रबहादुर थापा, मुकुन्दप्रसाद पौडेल, रुद्रसिंह तामाङ, गजेन्द्रकुमार ठाकुर, भीमप्रसाद उपाध्याय, संजय शर्मा र इरन मेईलाई अख्तियार दुरुपयाेग अनुसन्धान आयाेगले प्रतिवादी बनाई मुद्दा दायर गरेकाे थियो। आयोगले गत ६ फागुनमा मुद्दा दायर गरेको थियो।

विशेषका अध्यक्ष टेकनारायण कुँवर तथा सदस्यहरू तेजनारायणसिंह राई र मुरारीबाबु श्रेष्ठको इजलासमा विचाराधीन थियो। यो मुद्दा ९ भदौदेखि हेर्दाहेर्दैमा राखेर उक्त इजलासले ११ दिनसम्म सुनुवाइ गरेपछि यस्तो फैसला आएको हो।