काठमाडौं । स्वर्णलक्ष्मी सहकारी ठगी मुद्दामा काठमाडौँ जिल्ला अदालतमा प्रतिवादी रवि लामिछानेका तर्फबाट पूर्वमहान्यायाधिवक्ता सुशील पन्तले बहस सकेका छन्।

यसपछि उनकै तर्फबाट अर्का पूर्वमहान्यायाधिवक्ता रमन श्रेष्ठले बहस गरिरहेका छन्।

गत पुस २८ गते आइतबार आफैँ अदालतमा उपस्थित भएर बयान दिएका रविका विषयमा जिल्ला न्यायाधीश माधवप्रसाद घिमिरेको इजलसामा पुस २९ सोमबारदेखि थुनछेक बहस भइरहेको हो।

सोमबार रविविरुद्ध सरकार र जाहेरवाला तर्फका वकिलहरूले बहस गरेका थिए। उनीहरूले रविलाई थुनामै राख्नुपर्ने तर्क गरेका छन्।

जाहेरवाला वकिलको जिकिर स् रविले पहिले पनि शक्तिको दुरुपयोग गरेकै हुन्, नथुने फेरि मुद्दा प्रभावित पार्छन्
सरकारी र जाहेरवालातर्फका वकिलको बहस सकिएपछि प्रतिवादी लामिछानेतर्फका अधिवक्ताले आज बहस गरिरहेका हुन्।

यसअघि पोखराको सूर्यदर्शन सहकारी ठगीमा कात्तिक २ देखि कास्की जिल्ला प्रहरी कार्यालयको हिरासतमा रहेका लामिछाने कास्की जिल्ला अदालतको आदेशमा पुस २५ गते बिहीबार ६५ लाख धरौटी तिरेर रिहा भएका थिए।

यसको भोलिपल्ट पुस २६ शुक्रबार साँझ काठमाडौँ आइपुगेका रास्वपा सभापति लामिछाने पुस २८ आइतबार बिहानै जिल्ला अदालत काठमाडौँमा उपस्थित भएका थिए।

त्यस दिन बयान लिएका न्यायाधीश माधवप्रसाद अधिकारीले त्यही दिन थुनछेक बहस थाल्न समय अभाव भएको भन्दै रविलाई न्यायिक हिरासतमा लान आदेश दिएका थिए।

रविले घर पठाइदिन बिन्ती गरेपछि आधा घण्टा इजलासमा चलेको सवालजवाफ
त्यस दिनदेखि जिल्ला प्रहरी परिसर काठमाडौँको हिरासतमा रहेका रविबारेको थुनछेक बहस पुस २९ सोमबार पनि नसकिएपछि मंगलबार माघ १ गते माघे संक्रान्तिको बिदा परेकाले आज माघ २ बुधबारदेखि पुनः निरन्तरता दिइएको हो।