एमाले सचिवालय बैठक च्यासलमा सुरु
नेपाल कम्युनिष्ट पार्टी (एमाले)को सचिवालय बैठक पार्टी केन्द्रीय कार्यालय च्यासलमा सुरु भएको छ।
पार्टी प्रचारविभाग प्रमुख राजेन्द्र गौतमका अनुसार बैठकमा यही पुस २१ र २२ गते हुने केन्द्रीय कमिटी बैठकका एजेन्डा, समसामयिक राजनीति, कमिटीमा प्रस्तुत हुने राजनीतिक प्रतिवेदन, संगठनात्मक गतिविधिलगायत विषयमा छलफल हुनेछ।
गत पुस १० गते बसेको सचिवालयलेको बैठकले केन्द्रीय कमिटी बैठकको मिति तोक्दै एजेन्डासमेत तय गरेको थियो।
बैठकको एजेन्डामा राजनीतिक प्रतिवेदन, संगठनात्मक काम, सचिवालय, स्थायी कमिटी र पोलिटब्युरोले गरेका निर्णयको अनुमोदन र समसामयिक प्रस्तावहरु राखिएका छन्।
वि.सं.२०८१ पुस १८ बिहीवार १४:४६
