काठमाडौं। संस्कृति, पर्यटन तथा नागरिक उड्डयन मन्त्री सुदन किराँतीले आफ्नो कार्यकक्ष आफैंले सफा गरेका छन्। शुक्रबार बिहान १० बजेअघि आइपुगेका मन्त्री किरातीले कार्यकक्षमा पोछा लगाइरहेको भिडियो उनको सचिवालयले सामाजिक सञ्जालमा पोष्ट गरेको हो ।

उनले भिडियोमा क्याप्सन लेखेका छन्, ‘बिहानी पख आफ्नै कार्यकक्षको शृङ्गार गर्दै!’

मन्त्री किराँती सफाइ कर्मचारीले सफा गरिरहेको समयमा कार्यकक्षमा पुगेका देखिन्छन्। आफू चाँडै कार्यालय आइपुग्ने गरेका कारण सफाइ कर्मचारीथि दबाब परेको कुरा उनले त्यहाँ इंगित गर्न खोजेका छन्।

आफू चाँडो मन्त्रालय आउने गरेको संकेत गर्न त्यहाँ उनी भन्छन्, ‘तपाईंहरुलाई पनि दबाब पर्‍यो होला है।’

मन्त्री किरातीले जसरी हरेक कार्यालयका प्रमुख, हाकिम, मन्त्रीले आफ्नो कार्यालय आफै सफा गरिदिए काम गर्ने कार्यालय सहयोगीको मनोबल बढ्नमा मद्दत पुग्ने भन्दै उक्त भिडियो अहिले सामाजिक सञ्जालमा भाइरल भइरहेको छ ।