मिसेस वर्ल्डमा पृथ्वीया थापाले जितिन् ‘ह्युमनिटेरियन अवार्ड’
काठमाडौं । अमेरिकाको लसभेगासमा भएको विवाहित महिलाबीचको अन्तर्राष्ट्रिय सौन्दर्य प्रतियोगिता ‘मिसेस वर्ल्ड–२०२३’ मा नेपाली प्रतियोगी पृथ्वीया थापाले ‘ह्युमनिटेरियन अवार्ड’ जितेकी छन् ।
शीर्ष उपाधिबाहेक सात विधागत उपाधि रहेको प्रतियोगितामा सेमीफाइनल सम्मको यात्रा तय गरेकी थापाले यो अवार्ड जितेकी हुन् ।
अवार्ड जितेपछि पृथ्वीयाले आफूले अझ बढी तयारी गरेर प्रतिस्पर्धामा सहभागिता जनाउन सकेको भए शीर्ष उपाधि जित्न सक्ने दाबी गरिन् ।
प्रतियोगितामा जर्मनीकी जुलिया क्यारोलिनले ‘मिसेस वर्ल्ड २०२३’ को उपाधि जितिन् ।
वि.सं.२०८० माघ १७ बुधवार ०८:३०
