निर्वाचन क्षेत्रमा व्यस्त हुँदै पौडेल
नेपाली कांग्रेसका वरिष्ठ नेता रामचन्द्र पौडेल निर्वाचन क्षेत्रमा व्यस्त हुन थालेका छन् ।
गृहजिल्ला तनहुँमा रहेका पौडेलले गाउँ–गाउँमा कार्यकर्तासँगको भेटघाटलाई बाक्लो बनाएका छन् । मंगलवार पौडेलले केशवटारलगायत व्यास नगरपालिका १४ अन्तर्गतका विभिन्न स्थानमा भेटघाट गरेका छन् ।
तनहुँबाट लगातार चुनाव जित्दै आएका पौडेल २०७४ सालमा तनहुँ १ मा पराजित भएका थिए । पौडेलले फेरि सोही क्षेत्रबाट चुनाव लड्ने तयारी गरेका छन् । पौडेल चितवन २ बाट पनि चुनाव लड्ने चर्चा छ । असार ३० गते तनहुँमा आयोजित पत्रकार सम्मेलनमा पौडेलले पार्टीले जहाँबाट उठायो त्यहीबाट चुनाव लड्ने बताएका थिए ।
वि.सं.२०७९ साउन १० मंगलवार १३:४७
