निर्वाचन आयोगले गत वैशाखमा सम्पन्न स्थानीय तह सदस्य निर्वाचनको परिणाम तथा खर्च सार्वजनिक गर्ने भएको छ । आयोगले मंगलवार अपराह्न ४ः३० बजे पत्रकार सम्मेलनमार्फत निर्वाचन परिणाम र खर्च विवरण सार्वजनिक गर्ने तयारी गरेको हो ।

स्थानीय तहको निर्वाचन गएको वैशाख ३० गते देशभर एकैसाथ सम्पन्न भएको थियो । उक्त निर्वाचनको परिणाम र खर्च विवरण आयोगले निर्वाचन सम्पन्न भएको साढे ३ महिनापछि सार्वजनिक गर्न लागेको हो । निर्वाचन परिणाम यसअघि नै सार्वजनिक भइसके पनि यसलाई औपचारिक रूपमा सार्वजनिक गर्न लागिएको आयोगले जनाएको छ ।

आयोगले परिणामसँगै खर्च विवरण पनि सार्वजनिक गर्ने छ । निर्वाचनअघि आयोगले करिव १६ अर्ब रुपैयाँ खर्च हुने अनुमान गरेको थियो । त्यसमध्ये आयोगको खर्च १० अर्ब र सुरक्षा खर्च ६ अर्ब हुने प्रक्षेपण गरिएको थियो ।