४० महिनाअघि ‘विज्ञ अर्थमन्त्री’का रूपमा सत्तारोहण गरेका डा. युवराज खतिवडाले ८९ बुँदे श्वेतपत्र जारी गर्दै निष्कर्ष सुनाए, ‘देशको ढुकुटी लगभग रित्तो अवस्थामा छ ।’

श्वेतपत्रले देखाएका अर्थतन्त्रका अधिकांश अँध्यारा पाटालाई अर्थविद्हरूले तथ्यपरक भने पनि कांग्रेसले त्यतिबेलै ‘लालपत्र भन्दै’ खण्डन गरेको थियो । युवा अर्थशास्त्री विश्व पौडेल अर्थतन्त्रमा त्यतिबेला खतिवडाले देखाएका अधिकांश समस्या र सवालहरू अहिले पनि जस्ताको त्यस्तै रहेको बताउँछन् ।