अन्सारीका अनुसार दिगो परिवर्तन केवल नीतिमा सीमित नभई व्यवहारमा देखिनुपर्छ, जसका लागि समान अवसर र लैङ्गिक न्याय अनिवार्य छ। उनले विश्वभर फैलिरहेको जेनजी आन्दोलनलाई परिवर्तनको सकारात्मक सङ्केतका रूपमा व्याख्या गर्दै यो पुस्ता निडर रहेको र असमानताविरुद्ध आवाज उठाउन सक्षम बनेको बताइन्। महिला, दलित, आदिवासी, मुस्लिम, मधेसी लगायत सबै समुदायको समान सहभागिता सुनिश्चित नगरी कुनै पनि परिवर्तन दीर्घकालीन हुन नसक्ने उनको भनाइ थियो। कार्यक्रमको अध्यक्षता गर्दै नेप्लीज मेटर्सका संरक्षक हाजी अब्दुल रहमान मियाँले मानवताको आधारमा एकअर्कासँग जोडिन र मुस्लिम युवाहरूलाई देश निर्माणमा सशक्त रूपमा सहभागी हुन आह्वान गरे।