काठमाडौँ । नेपाल परिवार दलका अध्यक्ष तथा पूर्वमन्त्री एकनाथ ढकालले तोकिएको समयमै शान्तिपूर्ण र निष्पक्ष निर्वाचन सम्पन्न गर्नका लागि वातावरण बनाउन नेपाल सरकारसँग माग गरेका छन्। सामाजिक सञ्जालमार्फत आफ्नो धारणा सार्वजनिक गर्दै अध्यक्ष ढकालले निर्वाचनको विकल्प नरहेको बताएका हुन्।

ढकालले अन्तरिम सरकारको मुख्य प्राथमिकता नै तोकिएको मितिमा निर्वाचन गर्नु र सुशासन कायम राख्नु भएको उल्लेख गरेका छन्। यसका लागि उनले सरकारलाई राजनीतिक दलहरूसँग तुरुन्तै जीवन्त संवाद गर्न आग्रह गरेका छन्।