लोकप्रिय गायक/संगीतकार हेमन्त शिशिरको गीत “संगै जुनी काटौला” सार्वजनिक भएको छ। बरिष्ठ लोक गायक बम बहादुर कार्कीको प्रमुख आतिथ्यतामा गीत बिमोचन सहित सार्वजनिक गरेका थिए ।

गीत बिमोजन कार्यक्रममा राष्ट्रिय लोक सञ्चारकर्मी नेपालका अध्यक्ष चन्द्रमणी गौतम, म्युजिक खबरका प्रधान सम्पादक सुमन बैरागी, चर्चित संगीतकार तथा संगीत प्रशिक्षक नरहरी प्रेमी, स्पेश फोरके टेलिभिजनका समाचार सम्पादक खेम बहादुर बम, लगायत राष्ट्रिय स्तरका कलाकार र पत्रकारहरुको उपस्थिती रहेको थियो।

बिमोचन कार्यक्रम सहित सार्वजनिक भएको “संगै जुनी काटौला” गीतमा उनै हेमन्त शिशिर र पुजा देबकोटाको स्वर रहेको छ भने अञ्जु बि.सी.को शब्द, हेमन्त शिशिरको स्वयमको संगीत, एरेञ्ज तथा ध्वनी सम्पादन रहेको छ।

यस गीतको भिडियो प्रबिन थापाको निर्देशन, सरोज शाहीको छायांकन र अमृत चापागाईको सम्पादन रहेको छ। उक्त गीतको भिडियोमा हेमन्त शिशिर र चर्चित मोडल स्मारिका ढकालको अभिनय रहेको छ । यस गीतलाइ Hemanta Shishir युटुब च्यानलबाट सार्वजनिक गरिएको हो ।