वीर अस्पतालका कार्यकारी निर्देशक पौडेलद्वारा दुई वर्षको कार्यप्रगति विवरण सार्वजनिक
काठमाडौँ । डा.सन्तोष पौडेलले वीर अस्पतालको कार्यकारी निर्देशकको जिम्मेवारी सम्हालेको दुई वर्ष पुगेको छ । दुई वर्षको अवधिमा आफूले विभिन्न सुधार गरेको भन्दै कार्यकारी निर्देशक पौडेलले आफ्नो कार्यप्रगति विवरण सार्वजनिक गरेका छन् ।
२०७९ फागुनमा चिकित्सा विज्ञान राष्ट्रिय प्रतिष्ठान ्(न्याम्स) वीर अस्पतालको कार्यकारी निर्देशकमा नियुक्त भएका पौडेलले बिहान साढे ८ बजेबाट ओपीडी सञ्चालन गरिएको, फार्मेसी सेवाको टेन्डरलाई नयाँ ढंगले व्यवस्थित गरेको जिकिर गरेका छन् ।
२४ घण्टे इमर्जेन्सी ल्याबलाई नयाँ सर्किजल भवनमा सारेर सेवाको दायरा फराकिलो पारिएको, मेडिकल भवनमा पनि नयाँ आन्तरिक फार्मेसी थपिएको र हाल ५ स्थानबाट फार्मेसी सेवा सुचारु गरिएको उनले दाबी गरेका छन् ।
निर्देशक डा.पौडेलले उल्लेख गरेका सुधारका कार्य
१. कार्यभार सम्हाल्दाको पहिलो निर्णय ‘डा केडी जोशी बर्न सेन्टर’ सञ्चालनमा ल्याइएको, जसमा बर्न प्लास्टिक ओटी, आईसीयू तथा वार्ड ९१५ बेडको० रहेको । राष्ट्रियस्तरमै जलनको उपचारलाई निःशुल्क गर्न पैरवी गरेको ।
२. सर्जिकल भवन पूर्ण रूपमा सञ्चालनमा आएको । सम्पूर्ण सर्जरीका वार्ड, ओटी, आईसीयु सर्जिकल भवनमा सरिएको ।
३. विशिष्टीकृत वार्डहरू सञ्चालनमा ल्याइएको । ज्येष्ठ नागरिक वार्ड, न्यूरो इन्डो, चेस्ट वार्ड, हेपाटोलोजी वार्ड, हेमाटोलोजी वार्डजस्ता विशेष वार्ड सञ्चालनमा आएको ।
४. विभिन्न विधाका विशिष्टीकृत सघन उपचार कक्षहरू सञ्चालनमा ल्याएको ।
५. ब्लड सेम्पल कलेक्सन काउन्टरलाई खुला र सजिलो ठाउँमा सारेर व्यवस्थित गरेको । जसले गर्दा भिडभाड व्यवस्थित भएको । बिहान ७ बजेदेखि नै ब्लड सेम्पल कलेक्सन सेवा सुरु गरिएको छ ।
६. ओपीडी बिहान ८ ः३० देखि नै सञ्चालन गरिएको छ । हाल ८ः३० देखि नै सुरु हुने कार्यालय समय पालनालाई कडाइ गरिएको । सेवा समयलाई आधार मानी सेवा विस्तार भत्ता उपलब्ध गराइएको ।
७. कवाडी सामानको लिलाम गरेको । १ करोड ६१ लाखमा कवाडी टेन्डरको टुङ्गो लागि हटाउन सुरु गरिएको ।
८. प्रत्येक आइतबार रक्तदान कार्यक्रम सुरु गरेको ।
९. फार्मेसी सेवाको टेन्डरलाई नेपालमै नयाँ ढंगले व्यवस्थित गरेको । पछिल्लो ६ महिनामा अस्पतालले ८ करोडभन्दा बढी मुनाफा गर्न सकेको । सर्जिकल भवनमा फार्मेसी थप गरिएको ।
१०. इमर्जेन्सीमा ट्राइएज सिस्टम लागू गरिएको छ साथै रेड जोन, यलो जोन र ग्रीन जोन गरी सेवा प्राथमिकीकरण गरिएकाले यसले सेवाको गुणस्तरमा फट्को मारेको छ ।
११. २४ घण्टे इमर्जेन्सी ल्याबलाई नयाँ सर्जिकल भवनमा सारिएसँगै सेवाको दायरा फराकिलो पारिएको छ ।
१२. ओपीडी तथा आकस्मिक कक्षका शौचालयको मर्मत सम्भार गरिएको । बन्द शौचालयहरू मर्मत गरी पुनः प्रयोगमा ल्याइएको । सर्जिकल भवनका भुइँतलाको साथै अधिकांश शौचालय सर्वसाधारणका लागि खुला गरिएको छ, जुन पहिले बन्द थिए ।
१३. महानगरपालिकाले भत्काएको पुराना फार्मेसीका सटरको भग्नावशेष सरसफाइ गरी बगैँचा बनाइएको छ । अस्पताल वरिपरि सरसफाइ र बगैँचा निर्माण ।
१४. सामाजिक सेवालाई भुई तलामा सारेर सेवाग्राही मैत्री बनाइएको छ । स्वास्थ्य बीमाको काउन्टर थप गरिएको । कुन सेवा कहाँ छ भनेर सेवाग्राहीले बुझ्ने गरी भित्ते लेखन गरेको ।
१५.प्रदेश सरकारहरूसँग कडा रोगको उपचार सम्बन्धी सम्झौता गरिएको । बिरामीले थप राहत पाएको ।
१६. टिकट काउन्टरहरू र बिलिङ काउन्टर तलापिच्छे थप गरेको साथै बिहान ७ बजेदेखि नै टिकट खुला गरेको । आलाइन टिकेटिङ सुरु गरी व्यवस्थित गरेको ।
१७. साँझको समय ४ देखि ८ बजेसम्ममा एक्टेन्डेड हेल्च सर्भिस सञ्चालन गरेको तर जनशक्ति अभावमा रोकिएको सो सेवा टोमोथेरापी र डेण्टल सेवाबाट पुनः सञ्चालनको तयारी गरिएको ।
१८. ओपीडीमा ह्वील चियर ट्रलीको व्यवस्था । भिजिटरहरू बस्नको लागि आरामदायी बेन्चको व्यवस्था गरिएको ।
१९.सार्वजनिक बिदामा पनि एमआरआई सेवा सुरु गरिएको । अस्पतालमा लामो समय पालो कुर्नु परेमा निजी संस्थासँगको सहकार्यमा वीरकै दररेटमा सेवा सुनिश्चित गरिएको ।
२०. सबै कर्मचारीको निःशुल्क स्वास्थ्य बीमा गरिएको छ । अप्रेसन थिएटरमा सबैलाई खाजाको व्यवस्था । सर्जिकल भवन लगायत विभिन्न ठाउँमा कर्मचारीको लागि ई–हाजिरी मेसिन राखिएको ।
२१. आरोग्य क्लिनिक सञ्चालनमा ल्याइएको । ग्यास्ट्रो सर्जिकल ओपीडी हप्तामा २ दिनबाट ४ दिन बनाइएको । नयाँ पेन क्लिनिक सञ्चालनमा ल्याएको । प्लास्टिक सर्जरी र सीटीभीएस ओपीडी नयाँ स्थानबाट सुरु गरिएको । अङ्कोलोजी क्यान्सर ओपीडी तेस्रो तलामा व्यवस्थित गरिएको । टोमोथेरापी र मेमोग्राम जस्ता नयाँ सेवा सञ्चालनमा आएको । साईक्याट्रिक ओपीडीलाई पहिलो तलाबाट सञ्चालन ।
२२. भूकम्पपछि रोकिएका सम्पूर्ण सर्जरी सेवा सुचारु भएको । अर्थोपेडिक र प्लास्टिकको सर्जरी सेवा पनि वीर अस्पतालबाट पुनः सुचारु गरेको ।
२३. मुटुरोग विभागमा क्याथल्याब सेवा सुरु गरिएको । नियमित एन्जियोप्लास्टी सेवा सुचारु भएको ।
२४. इमर्जेन्सीको पुनर्निर्माण र पथ्य शाखाको निर्माणको कार्यको ठेक्का लागेर सम्झौता अगाडि बढेको । ६ महिनाभित्र ७५ बेडको स्मार्ट इमर्जेन्सी र फराकिलो अस्पताल चमेना गृह बन्ने ।
२५. सेवाको गुणस्तरका लागि एन्ठीमाइक्रोबिल स्टेवार्डसिप लागु गरेको । एकेडेमिक ग्राण्ड राउण्ड सुरुवात गरेको ।
२६. खरिद कार्यलाई व्यवस्थित गरिएको, लामो समयदेखि रोकिएका साल–बसाली हुनैपर्ने ठेक्कालाई नियमित गरेको । १० लाखभन्दा कमका खरिदमा पनि अनलाइन विधिबाट टेन्डर गरिएको ।
२७. अस्पतालको आन्तरिक आय आर्थिक वर्ष २०७९/८० मा ५४ करोड रहेकोमा आर्थिक वर्ष २०८०/८१ मा २५ करोड बढाएर ७९ करोड पु¥याइएको । यस वर्ष कमसे कम १ अर्ब पु¥याउने लक्ष्य रहेको ।
वि.सं.२०८१ माघ २३ बुधवार ११:५७
