काठमाडौं। बस र टिपर ठोक्किँदा १७ जना घाइते भएका छन्।

बिहीबार राति पश्चिम नवलपरासीको सुनवलमा काठमाडौंबाट बाजुरा जाँदै गरेको सुप्रप ०१-००१ ख ३४८० नम्बरको बस र विपरीत दिशाबाट आउँदै गरेको लु२ख १६९६ नम्बरको टिपर ठोक्किएर दुर्घटना भएको प्रहरीले जनाएको छ।

बसमा चालकसहित ३५ जना सवार थिए। दुर्घटना हुँदा १७ जना घाइते भएका छन्। घाइतेमध्ये एक जनाको अवस्था गम्भीर भएको प्रहरीले जनाएको छ।

उनीहरूको रूपन्देहीको देवदह मेडिकल कलेज, चौराह हस्पिटल बुटवल र लुम्बिनी प्रादेशिक अस्पतालमा उपचार भइरहेको  प्रहरीले जनाएको छ।