यात्रुवाहक बस दुर्घटना हुँदा १० जना घाइते, एक जनाको अवस्था गम्भीर
सल्यानबाट दाङ जाँदै गरेको यात्रुवाहक बस दुर्घटना भएको छ । दुर्घटनामा १० जना घाइते भएका छन् । एक जनाको अवस्था भने गम्भीर रहेको छ ।
बाग्चौर नगरपालिका–९ पातिहाल्नाबाट छुटेको ना ३ ख ३८८४ नम्बरको बस बाग्चौर नगरपालिका–२ शारदा खोलानजिकै दुर्घटनामा परेको हो । बस दुर्घटनामा परी घाइते हुनेमा बसमा सवार ९ जना र एक जना मोटरसाइकलमा सवार व्यक्ति पनि छन् ।
घाइतेमध्ये सात जना बाग्चौर नगरपालिकास्थित जनप्रिय पोलिक्लिनिकमा उपचार भइरहेको छ । ओरालोमा रोकेर चालक साइड हेर्न जाँदा बस आफै गुडेर भित्तामा ठोक्किएको प्रहरीले बताएको छ । बसले मोटरसाइकललाई समेत ठक्कर दिएको थियो ।
वि.सं.२०७९ जेठ १३ शुक्रवार १३:४३
