प्रचण्डले भने– सरकारको विषयमा मिलनविन्दु देखेका छैनौं
४ चैत, काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले सरकार बनाउनेबारे कांग्रेस–एमालेसँग छलफल नै नभएको बताएका छन् । सरकारमा जाने कुनै नीति नभएको र नहुने उनले बताए ।
आज काठमाडौंमा आयोजित एक कार्यक्रममा पूर्वप्रधानमन्त्री प्रचण्डले भने, ‘सरकारको विषयमा मिलनविन्दु हामीले देखेका छैनौं ।’
कांग्रेस, एमाले र माओवादी मिलेर सरकार बनाउने भए अरे भनेर हल्ला चलेको भन्दै उनले त्यसमा सत्यता नभएको बताए । ‘हामीले सरकारमा जाने कुनै नीति लिएका छैनौं, लिँदैनौं पनि’ उनले भने, ‘सरकारमा जानेबारे ‘औपचारिक कुरा पनि भएको छैन ।’
तर सरकारमा रहेका दलहरुसँग सत्य निरुपण तथा मेलमिलाप आयोगको विषयमा भने छलफल हुने गरेको प्रचण्डले बताए ।
वि.सं.२०८१ चैत ४ सोमवार १६:१६
