काठमाडौँ । आजको लागि तय भएको गणतन्त्र सेनानी सम्मान कार्यक्रम स्थगित भएको छ । नेकपा माओवादी केन्द्रका केन्द्रीय सदस्य तथा संविधानसभा सदस्य पदमबहादुर राईको निधनका कारण सम्मान कार्यक्रम स्थगित भएको गणतन्त्र सेनानी कोषका अध्यक्ष सरल सहयात्री पौडेलले जानकारी दिए ।

राईको निधनप्रति दुःख व्यक्त गर्दै सम्मान कार्यक्रम अर्को अर्को सूचना नआएसम्म स्थगित गरिएको उनले बताए । दिउँसो १२ बजे गणतन्त्र स्थापनाका लागि भूमिका खेलेका योद्धाहरूमध्ये १५ जनालाई पूर्वप्रधानमन्त्री एवं माओवादीका अध्यक्ष पुष्पकलम दाहाल प्रचण्डले सम्मान गर्ने कार्यक्रम राखिएको थियो ।