संविधानलाई ब्रेललिपिमा अनुवाद गरेर दृष्टिविहीनलाई बाँड्न माग
७ मंसिर, काठमाडौं । नेपालको संविधानलाई दृष्टिविहीनले समे पढ्न सक्ने गरी ब्रेललिपिमा अनुवाद गरेर निशुल्क बाँड्न सर्वोच्चमा रिट परेको छ ।
कानुनका विद्यार्थीहरु विवेक चौधरी, रामकृष्ण यादव, प्रधुमनकुमार सिंहले सर्वोच्च अदालतमा रिट निवेदन दिएका हुन् ।
मंसिर ४ गते दायर भएको उक्त रिटउपर मंसिर ५ गते न्यायाधीश बालकृष्ण ढकालको इजलाशले प्रधानमन्त्री तथा मन्त्रिपरिषद्को कार्यालयलाईसमेत कारण देखाउ आदेश गरेको छ ।
सर्वोच्चले १५ दिनभित्र महान्यायाधिक्ताको कार्यालयमार्फत् १५ दिनभित्र लिखित जवाफ पेश गर्न भनेको छ ।
वि.सं.२०८१ मंसिर ७ शुक्रवार १६:१६
