रामेछापमा बस दुर्घटनाः ९ जनाको मृत्यु
रामेछापबाट काठमाडौं आउँदै गरेको बस दुर्घटना हुँदा ९ जनाको घटनास्थलमै मृत्यु भएको छ ।
रामेछापको सुनापति गाउँपालिका–२ हिलेदेविबाट काठमाडौं आउँदै गरेको बा ३ ख ८३९६ नम्बरको यात्रुबाहक बस लुभुघाट नजिकै दुर्घटना हुँदा ९ जनाको घटनास्थलमै मृत्यु भएको हो ।
मृत्यु हुनेमा ४ महिला र ५ जना पुरुष रहेको रामेछापका प्रमुख जिल्ला अधिकारी दिपक कुमार पहाडीले बताए । उनले भने, ञमृतकहरुको पहिचान खुलेको छैन । बसमा ल्याइएको खसीबोकाहरु पनि मरेका छन् ।’ बस सडकबाट ४३ मिटर तल खसेको थियो । बसमा करिब ३० जना यात्रुलाई सवार थिए ।
२४ जना घाइतेलाई धुलिखेल अस्पताल ल्याइएको उनले बताए । उनका अनुसार घाइतेको उद्धारको लागि हेलिकप्टर पठाउने तयारी भइरहेको छ ।
वि.सं.२०७९ असार २१ मंगलवार १४:२८
