रौतहटमा बिहे घरमा करेन्ट लागेर एक महिलाको मृत्यु भएको छ भने ७ जना घाइते भएका छन् ।

बिहे घरमा गीत गाउने क्रममा माइकमा विद्युतको करेन्ट प्रवाह भई लाग्दा ३० वर्षीया सम्घरिया देवीको मृत्यु भएको हो।

दुर्गा भगवती गाउँपालिका १ स्थित शिव मन्दिर टोलका नरेश राउतको छोरीको विवाहको पूर्वसन्ध्यामा शनिवार अबेर गाउँलेहरू भेला भएर नाचगान गरिरहेका थिए ।

गीत गाउने क्रममा माइकमा एकाएक करेन्ट प्रवाह हुँदा देवीसहित ८ जना महिलालाई करेन्ट लागेको थियो ।