चट्याङ लागेर ४५ वर्षीया महिला र बार्दलीबाट लडेर २१ महिने शिशुको मृत्यु
९ चैत, काठमाडौं । खोटाङमा बेग्लाबेग्लै घटनामा परेर दुई जनाको मृतयु भएको छ । एक जनाको चट्याङ लागेर मृत्यु भएको हो भने अको २१ महिने शिशु घरको बार्दलीबाट लडेर निधन भएको छ ।
केपिलासगढी गाउँपालिका–७ सुङ्देल गुल्टेनस्थित ४५ वर्षीया दिलकुमारी राईको चट्याङ लागेर मृत्यु भएको प्रहरीले जनाएको छ ।
त्यस्तै, दिक्तेल रुपाकोट मझुवागढी नगरपालिका–१५ विजयखर्क बसेरिकी २१ महिने शिशु अनुसोया पोखरेलको बार्दलीबाट लडेर मृत्यु भएको हो ।
आज बिहान ४ः०० बजे दिलकुमारीको चट्याङ लाग्दा घटनास्थलमै मृत्यु भएको जिल्ला प्रहरी कार्यालयका प्रमुख प्रहरी नायब उपरीक्षक प्रतीक विष्टले बताए ।
यसैगरी, घरको बार्दलीबाट लडेर गम्भीर घाइते भएकी २१ महिने शिशुको उपचारका लागि काठमाडौँ लाने क्रममा बाटोमै मृत्यु भएको विष्टले जानकारी दिए ।
वि.सं.२०८१ चैत ९ शनिवार १३:४३
